پونچھ میں ایل او سی پر مشتبہ ڈرون کی نقل و حرکت

جموں//
جموںکشمیر کے ضلع پونچھ میں لائن آف کنٹرول (ایل او سی) پر دو الگ الگ مقامات پر مشتبہ ڈرونز کی نقل و حمل دیکھی گئی اور فوج نے ان پر فائرنگ کی جس کے بعد وہ واپس جانے پر مجبور ہوگئے ۔
ذرائع نے بتایا کہ فوج نے پونچھ میں ایل او سی کے مینڈھر سیکٹر میں جمعہ کی صبح قریب ساڑھے چھ بجے ڈرون کی نقل و حمل دیکھی۔انہوں نے کہا کہ فوج نے اس پر فائرنگ کی جس کے بعد یہ ڈرون واپس جانے پر مجبور ہوگیا۔
ان کا کہنا تھا کہ بالکل اسی وقت گل پور سیکٹر میں بھی دو کواڈ کاپوٹرس کو فضا میں گھومتے ہوئے دیکھا جو بھارتی فوج کی طرف سے فائر کھولنے کے واپس چلے گئے ۔
ذرائع نے بتایا کہ واقعے کے فوراً بعد علاقے میں وسیع پیمانے پر تلاشی آپریشن شروع کر دیا ہے ۔
حکام کے مطابق قبل ازیں فوج نے۱۲فروری کو مینڈھر سیکٹر میں ایک پاکستانی ڈرون پر فائرنگ کرکے اس کو واپس جانے پر مجبور کر دیا تھا۔
حکام کا ماننا ہے کہ پاکستان ڈورنز کا استعمال کرکے جموں وکشمیر میں ہتھیار اور منشیات بھیجتا ہے ۔
جموں وکشمیر پولیس نے سرحد پر ڈورن نظر آنے کی اطلاع دینے والے کو۳لاکھ روپیے نقدی انعام سے نوازنے کا اعلان کیا ہے ۔