نئی دہلی// اہم عالمی ٹیکسٹائل ایونٹ ‘بھارت ٹیکس 2024’ گجرات، مہاراشٹر، تلنگانہ، اتر پردیش اور مدھیہ پردیش کی ہینڈ لوم اور دستکاری کی روایات کے عظیم سنگم کا گواہ بننے کے لئے تیارہے ۔
پانچ ریاستیں سرخیوں میں چھانے کے لیے تیار ہیں کیونکہ وہ فنکارانہ مہارت، ہینڈلوم کاریگری کی خاصیت اور ٹیکسٹائل کی مخصوص اختراعات کی ایک مشترکہ پیشکش کرنے والی ہیں۔
اتر پردیش اور مہاراشٹر کے ‘پارٹنر اسٹیٹس’ کے طور پر شامل کرنے کے ساتھ، بھارت ٹیکس 2024 پروگرام نے گجرات، تلنگانہ اور مدھیہ پردیش کو ‘ایسوسی ایٹ پارٹنر اسٹیٹس’ کے طور پر شامل ہونے کا اعلان کیا ہے ۔ آندھرا پردیش، تمل ناڈو، کرناٹک اور آسام اس اہم عالمی ٹیکسٹائل ایونٹ میں ریاستی پویلین قائم کریں گے ۔ مدھیہ پردیش کی مشہور باٹک پرنٹنگ، ہینڈ بلاک پرنٹنگ، چندیری اور ماہیشوری سلکس، گجرات کی بندھنی، پٹولہ سلک، ہینڈ پینٹنگ، اتر پردیش کی چکنکاری، زری زردوزی، مہاراشٹر کی پیٹھنی ساڑی، وارلی آرٹ، مشرو اور ہمرووغیرہ بھارت ٹیکس2024 عالمی سطح پر مشہور ریاستوں کے دستکاری اور ہینڈلوم کی روایات اور پالیسیوں، اختراعی ٹیکنالوجیز اورآنے والے ٹیکسٹ پارکوں جیسے اقدامات کے تناظر میں ریاست کے ترقی پسند اقدامات کو ظاہر کرے گا۔