کوہلی کی انگلینڈ کیخلاف ٹیسٹ سیریز سے عدم دستیابی کی وجہ سامنے آگئی

نئی دہلی//
بھارتی کرکٹر ویرات کوہلی کی انگلینڈ کے خلاف سیریز سے عدم دستیابی کی وجہ سامنے آگئی۔
اس حوالے سے جنوبی افریقہ کے سابق کرکٹر اے بی ڈیویلیئرز نے اپنے بیان میں کہا کہ ویرات کوہلی اور انوشکا شرما دوسرے بچے کی پیدائش کے منتظر ہیں۔ یہ انکشاف انہوں نے اپنے شو میں کیا۔
اے بی ڈیویلیئرز کا کہنا تھا کہ فیملی کے ساتھ وقت گزارنے کےلیے ویرات کوہلی نے انگلینڈ کے خلاف ٹیسٹ میچز مس کیے۔
انہوں نے کہا کہ میرا ویرات کوہلی کے ساتھ پیغامات کا تبادلہ ہوا ہے، فیملی زیادہ لوگوں کی ترجیح ہوتی ہے جو کہ اچھی چیز ہے۔
خیال رہے کہ ویرات کوہلی انگلینڈ کے خلاف پہلے دو ٹیسٹ میچز سے دستبردار ہوگئے تھے۔