ڈکسم میں سڑک حادثہ سیاح جاں بحق تین دیگر زخمی

سرینگر//
جنوبی ضلع اننت ناگ کے ڈکسم میں علاقے میں سیاحوں سے بھری ہوئی ایک گاڑی کوحادثہ پیش آیا جس کے نتیجے میں اوڑیسہ سے تعلق رکھنے والا ایک سیلانی جاں بحق جبکہ تین دیگر زخمی ہوئے ہیں۔
اطلاعات کے مطابق بدھ کی شام کو اننت ناگ کے ڈکسم علاقے میں ایک ٹیمپو ٹرولرڈرائیور کے قابو سے باہر ہوکر سڑک پر الٹ گیا جس کے نتیجے میں گاڑی میں سوار چار سیاح شدید طورپر زخمی ہوئے۔
حادثے کی اطلاع ملتے ہی مقامی لوگ اور پولیس اہلکار جائے مقع پر پہنچے اور زخمیوں کو علاج ومعالجہ کی خاطر نزدیکی ہسپتال منتقل کیا تاہم وہاں پرتعینات ڈاکٹروں نے ایک سیلانی کو مردہ قرار دیا۔
متوفی کی شناخت ۳۲سالہ درگیس نائیک ولد بہوترک ساکن اوڑیسہ کے بطور ہوئی جبکہ زخمیوں کی پہچان وکرم کمار نائیک ولد گوتھم کمارنائیک ساکن اوڑیسہ ، سرجیت کمار ولد نارجندر کمار اور بسنت کمار ولد رویندر کمار ساکنان اوڑیسہ کے بطورکی گئی ہے۔
دریں اثنا پولیس نے حادثے کی وجوہات جاننے کی خاطر کیس درج کرکے تحقیقات شروع کی ہے۔