سرینگر//
منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ میں ایک اور منشیات فروش کو گرفتار کرکے اس کی تحویل سے ممنوعہ ادویات بر آمد کی ہیں۔
پولیس ترجمان اپنے ایک بیان میں تفصیلات فراہم کرتے ہوئے کہا کہ پولیس اسٹیشن شیری کی ایک پارٹی نے گانٹمولہ کالونی میں ایک ناکے کے دوران ایک شخص کو روکا۔انہوں نے کہا کہ تلاشی کے دوران اس کی تحویل سے اسپاسمو پراکسیون پلس سائیکو ٹراپک کے۷۲کیسپول بر آمد کئے گئے ۔
بیان میں منشیات فروش کی شناخت گوہر احمد بٹ ولد غلام محمد بٹ ساکن پہلیہارن کے طور پور ہوئی ہے ۔
ترجمان نے بتایا کہ اس کو گرفتار کرکے پولیس اسٹیشن شیری میں زیر حراست رکھا گیا ہے ۔انہوں نے مزید کہا کہ اس سلسلے میں پولیس اسٹیشن شیری میں متعلقہ دفعات کے تحت ایک کیس درج کرکے تحقیقات شروع کی گئی ہیں۔
قابل ذکر ہے کہ بارہمولہ پولیس نے منشیات کے خلاف وسیع پیمانے پر جنگ کو جاری رکھتے ہوئے سال۲۰۲۳کے دوران این ڈی پی ایس ایکٹ کے تحت۲۶۴مقدمے درج کرکے۴۶۴منشیات فروشوں کو گرفتار کیا۔