سابق ایس ایس پی کا قتل کا معاملہ

سرینگر//
جموںکشمیر پولیس نے سابق ایس ایس پی کی ہلاکت میں ملوث افراد کے بارے میں اطلاع فراہم کرنے والے شخص کوپانچ لاکھ روپے بطور انعام دینے کااعلان کیا ہے ۔
اطلاعات کے مطابق بارہ مولہ پولیس نے جمعے کے روز شیری اور اس کے ملحقہ علاقوں میں پوسٹر چسپاں کئے جس میں تحریر کیا گیا ہے کہ سابق ایس ایس پی محمد شفیع میر ولد عبدلا حد میر ساکن گانٹہ مولہ بالا کو۲۴دسمبر بروز اتوار کے روز نامعلوم افراد نے گولی مار کر جاں بحق کردیا۔
پولیس کے مطابق ہر خاص و عام کو بذریعہ پوسٹر مطلع کیا جاتاہے کہ سابق ایس ایس پی کی ہلاکت میں ملوث افراد کے بارے میں مفید اطلاع فراہم کرنے والے شخص کو نقدی پانچ لاکھ روپیہ انعام دیا جائے گا۔انہوں نے مزید بتایا کہ اطلاع دینے والے کا نام صیغہ راز میں رکھا جائے گا۔
بتادیں کہ سابق ایس ایس پی کی ہلاکت کے بعد بارہ مولہ پولیس نے متعدد افراد سے پوچھ تاچھ کی جبکہ زائد از تین درجن بارہ بور رائفلوں کوبھی تحویل میں لیا گیا ہے ۔
۔۔۔۔۔۔۔۔۔۔