مسرت عالم دھڑے کی مسلم لیگ پر پابندی

نئی دہلی//
جموں و کشمیر میں ملک مخالف اور علیحدگی پسند سرگرمیوں میں ملوث اور دہشت گردانہ سرگرمیوں کی حمایت کرنے والے مسلم لیگ جموں کشمیر مسرت عالم دھڑے (ایم ایل جے کے۔ایم اے) کو بدھ کو کالعدم تنظیم قرار دیا گیا۔
غیر قانونی سرگرمیاں (روک تھام) قانون کے تحت ایم ایل جے کے۔ایم اے پر پابندی کا اعلان کرتے ہوئے مرکزی وزیر داخلہ امیت شاہ نے کہا کہ وزیر اعظم نریندر مودی حکومت کا پیغام بلند اور واضح ہے کہ ملک کے اتحاد، خودمختاری اور سالمیت کے خلاف کام کرنے والے کسی بھی شخص کو بخشا نہیں جائے گا اور اسے قانون کے مکمل غضب کا سامنا کرنا پڑے گا۔
شاہ نے کہا کہ مسلم لیگ جموں کشمیر (مسرت عالم دھڑا) کو یو اے پی اے کے تحت ’غیر قانونی تنظیم‘ قرار دیا گیا ہے۔ ان کاکہنا تھا’’یہ تنظیم اور اس کے ارکان جموں و کشمیر میں ملک مخالف اور علیحدگی پسند سرگرمیوں میں ملوث ہیں، دہشت گردانہ سرگرمیوں کی حمایت کرتے ہیں اور جموں و کشمیر میں اسلامی حکمرانی قائم کرنے کے لئے لوگوں کو اکساتے ہیں۔‘‘