جولائی تک ایک لاکھ سمارٹ میٹر لگانے کا ہدف

سر ینگر//
جموں کشمیر میں امسال جولائی کے وسط تک بجلی کے ایک لاکھ سمارٹ میٹروں کی تنصیب کا ہدف پورا کیا جائیگا ۔
اس بات کی جانکاری ایک سرکاری میٹنگ میں دی گئی ‘ جس کی صدارت وفاقی داخلہ سیکریٹری ‘ اجے کمار بھلہ نے کی ۔
ایک سرکاری بیان میں کہا گیا ہے کہ مرکزی داخلہ سیکرٹری‘ اجے کمار بھلہ نے آج یوٹیوںکے چیف سیکریٹریوں کے ساتھ ایک اعلیٰ سطحی میٹنگ کی صدارت کی جس میں مرکز کے زیر انتظام علاقوں میں بجلی کی تقسیم اور سمارٹ میٹرنگ کی نجکاری کی پیش رفت کا جائزہ لیا گیا ۔
یو ٹی حکومت کی جانب سے چیف سیکریٹری ڈاکٹر ارون کمار مہتا نے میٹنگ میں شرکت کی ۔
شروع میں بجلی کی وزارت کی طرف سے ایک تفصیلی پرذنٹیشن دی گئی جس میں بجلی کی تقسیم کی نجکاری اور یو ٹیز میں سمارٹ میٹروں کی تنصیب میں حاصل ہونے والی پیش رفت کا حیثیت کو دکھایا گیا ۔
اس موقعہ پر بتایا گیا کہ جموں و کشمیر یو ٹی میں۶۳ہزار۸۴۴ سمارٹ میٹر لگائے گئے ہیں اور جولائی تک ۱۵ء۱ لاکھ میٹروں کا ہدف حاصل کر لیا جائے گا کیونکہ پورے یو ٹی میں نصب کرنے کے عمل کو تیز کر دیا گیا ہے ۔
میٹنگ کے دوران یہ بھی بتایا گیا کہ چھ لاکھ میٹرز کیلئے درخواست ( آر ایف پی ) یکم جنوری۲۰۲۲ کو شائع ہوئی تھی جسے جلد ہی حتمی شکل دی جائے گی ۔
اسی طرح ری ویمیڈ ڈسٹری بیوشن سیکٹر اسکیم ( آر ڈی ایس ایس ) کے رہنما خطوط کے مطابق بقیہ ۹۵ء۱۴ لاکھ میٹر کیلئے پروجیکٹ کی تجویز تیار کی جا رہی ہے ۔
مستقبل کے کورس کے بارے میں ڈاکٹر مہتا نے بتایا کہ مرحلہ اوّل کے تحت ایک رپورٹ تیار کی گئی ہے جس میں ایڈوائیزری کو اجاگر کیا گیا ہے جس میں ہیومن ریسورسپالیسی اور ایمپلائی ہینڈ بُک کمپنڈیم ، اوقات اور غیر محدود توانائی کی طلب کی پیشن گوئی کے ساتھ ساتھ کیپیکس کی ضرورت کا تخمینہ لگایا گیا ہے دو ڈسکام کی شیٹ ، جموں ، کشمیر اور لداخ کے درمیان مشترکہ وسائل کا اشتراک اور قانونی تعمیل اور مستقبل کیلئے اختیارات کے ساتھ ساتھ ہر آپشن کے فوائد اور نقصانات اس کے علاوہ بیلنس کھولنا بھی شامل ہے ۔
اس دوران یہ بھی بتایا گیا کہ سٹیج اول کی تکمیل کے بعد مرحلہ دوم شروع کیا جائے گا ۔
مرکزی داخلہ سیکریٹری نے اس بات پر اطمینان کا اظہار کیا کہ یو ٹی انتظامیہ اسکیموں میں سنگِ میل کی بروقت کامیابیوں کیلئے عمل آوری کرنے والی ایجنسیوں کو مکمل تعاون فراہم کر رہی ہے اور اس بات کو یقینی بنانے کیلئے مرکزی حکومت کے تمام تعاون کا یقین دلایا کہ پری ہیڈ میٹرنگ کو آگے بڑھایا جائے ۔