پاکستان کا آسٹریلیا کیخلاف پہلے ٹیسٹ میچ کی تیاریوں کا آغاز

پاکستان اور آسٹریلیا کے درمیان تین ٹیسٹ میچوں کی سیریز کا پہلا ٹیسٹ میچ 14 دسمبر سے پرتھ میں شروع ہوگا
لاہور/پاکستان نے پرتھ میں آسٹریلیا کے خلاف پہلے ٹیسٹ میچ کی تیاریوں کا آغاز کر دیا ہے۔قومی شاہینوں نے واکا گراؤنڈ میں بھرپور پریکٹس کی جس میں فزیکل فٹنس کے ساتھ ساتھ بیٹنگ، بولنگ اور فیلڈنگ کی خامیوں کو دور کرنے پر توجہ دی گئی۔
پاکستان اور آسٹریلیا کے درمیان تین ٹیسٹ میچوں کی سیریز کا پہلا ٹیسٹ میچ 14 دسمبر سے پرتھ میں شروع ہوگا، پرتھ میں ہمیشہ فاسٹ بولرز نے بیٹرز پر برتری ثابت کی ۔
پاکستان اور پی ایم الیون کے درمیان کینبرا میں کھیلے جانے والا چار روزہ میچ بغیر کسی فیصلے کے ختم ہوا تھا جس کے بعد پاکستان ٹیم گزشتہ روز کینبرا سے پرتھ پہنچی تھی۔پاکستان اور آسٹریلیا کے درمیان کھیلے جانے والی تین میچوں کی سیریز کو بینو قادر ٹرافی کے نام دیا گیا ہے۔
پاکستان ٹیم کے ڈائریکٹر محمد حفیظ نے کینبرا میں پاکستان کے پریکٹس میچ کے لیے بنائی گئی پچ اور حالات پر تنقید کرتے ہوئے کہا کہ وہ انتظامات سے واقعی حیران اور مایوس ہیں۔
صبح کے تربیتی سیشن کے بعد ڈبلیو اے سی اے گراؤنڈ میں صحافیوں سے بات کرتے ہوئے حفیظ نے کہا کہ پاکستان اس چیلنج کے حوالے سے پرجوش ہے لیکن کینبرا میں پرائم منسٹر الیون کے خلاف کھیل کے لیے ٹور کا انتظام خاصا پریشان کن تھا۔
انہوں نے کہا کہ یہ آسٹریلیا میں کسی مہمان ٹیم کی طرف سے کھیلی جانے والی سست ترین پچ ہے۔ ایک ٹیم کے طور پر ہم اپنی تیاریوں سے واقعی خوش ہیں کیونکہ ہم نے زیادہ تر پیرامیٹرز کو پورا کیا ہے۔”
انہوں نے کہاکہ "ہر کوئی جانتا ہے کہ پچ وہ نہیں ہے جو ہم چاہتے تھے۔ اس لیے بار بار کہنے اور کرکٹ آسٹریلیا کے ساتھ اس معاملے کو اٹھانے کا کوئی فائدہ نہیں۔ مایوسی واقعی بہت بڑی تھی کیونکہ ہم اس قسم کے انتظام کی توقع نہیں کر رہے تھے۔ شاید یہ حکمت عملی ہے لیکن ہم اس کے لیے تیار ہیں۔ ہم اسے بہانے کے طور پر استعمال نہیں کر رہے ہیں، ہم آنے والے چیلنجوں کے لیے بالکل تیار ہیں۔