بڈگام پولیس نے چوری کا معمہ حل کیا، دو چورگرفتار

سرینگر//
جموںکشمیر پولیس نے وسطی ضلع بڈگام میں دوچوروں کی گرفتاری عمل میں لا کر ان کے قبضے سے مالہ مسروقہ برآمد کرکے ضبط کیا۔
پولیس کے ایک ترجمان نے بتایا کہ۷دسمبر کو پولیس پوسٹ موچھوا میں وکاس کمار پنڈت ولد رام لال پنڈت ساکن ہندو محلہ کرالہ پورہ چاڈورہ نے تحریری طورپر شکایت درج کی کہ وہ چاڈورہ سے گھر کی طرف آرہا تھا کہ اسی اثنا میں نامعلوم افراد نے ان سے۵ء۱۲لاکھ روپے مالیت کے طلائی زیورات چرا کر فرار ہوئے ۔
شکایت موصول ہوتے ہی پولیس نے ایف آئی آر زیر نمبر۲۰۲۳/۲۵۳کے تحت کیس درج کرکے تحقیقات شروع کی ۔
ترجمان کے مطابق پولیس نے پیشہ وارانہ اور ٹیکنیکی صلاحیتوں کو بروئے کا ر لا کر دو ملزمان کو پہلگام اننت ناگ سے گرفتار کرکے ان کے قبضے سے لاکھوں روپے مالیت کے طلائی زیورات برآمد کئے ۔
ملزمان کی شناخت اعجاز احمد خان ولد غلام الدین خان ساکن باغ مہتاب سرینگر اور شوکت احمد خان ولد بلال احمد ساکن باغ مہتاب کے بطور کی گئی ہے ۔
عوامی حلقوں نے پولیس کی اس کارروائی کو خوب سراہتے ہوئے کہاکہ ملوثین کے خلاف سخت کارروائی عمل میں لانے کی ضرورت ہے ۔