جموں کشمیر میں آنے والے دنوں میں سخت گرمی کا امکان:محکمہ موسمیات

سرینگر//
محکمہ موسمیات کی پیش گوئی کے مطابق جموں و کشمیر میں آنے والے دنوں میں سخت گرمی پڑنے کا امکان ہے ۔
متعلقہ محکمے کے ایک ترجمان کا کہنا ہے کہ وادی کشمیر میں آنے والے دنوں میں درجہ حرارت۳۰ڈگری سینٹی گریڈ تک ریکارڈ ہوسکتا ہے جبکہ صوبہ جموں میں درجہ حرارت۴۰ ڈگری سینٹی گریڈ سے تجاوز کرنے کا احتمال ہے ۔
ترجمان نے کہا کہ وادی میں اگلے چوبیس گھنٹوں کے دوران دو پہر کے بعد کہیں کہیں گرج چمک کے ساتھ ہلکی بوندا باندی متوقع ہے لیکن اس سے درجہ حرارت میں کوئی فرق واقع نہیں ہوگا۔
ان کا مزید کہنا تھا کہ۱۳سے۱۵مئی تک گرمی کی شدت کافی بڑھ سکتی ہے ۔
دریں اثنا دارلحکومت سری نگر میں کم سے کم درجہ حرارت۷ء۱۳ڈگری سینٹی گریڈ ریکارڈ کیا گیا جو معمول سے۰ء۳ڈگری سینٹی گریڈ زیادہ ریکارڈ ہوا ہے ۔
گلمرگ میں کم سے کم درجہ حرارت ۰ء۹ڈگری سینٹی گریڈ ریکارڈ کیا گیا جو معمول سے ۸ء۳ڈگری سینٹی گریڈ ریکارڈ ہوا ہے ۔
پہلگام جہاں گذشتہ چوبیس گھنٹوں کے دوران۸ء۲ملی میٹر بارش ریکارڈ ہوئی ہیں، میں کم سے کم درجہ حرارت۷ء۵ ڈگری سینٹی گریڈ ریکارڈ کیا گیا جو معمول سے۲ء۰ڈگری سینٹی گریڈ زیادہ تھا۔
شمالی ضلع کپوارہ میں کم سے کم درجہ حرارت۳ء۱۲ڈگری سینٹی گریڈ ریکارڈ کیا گیا جو معمول سے۰ء۳ڈگری سینٹی گریڈ زیادہ ریکارڈ ہوا ہے ۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۲ء۱۱ڈگری سینٹی گریڈ ریکارڈ کیا گیا جو معمول سے۰ء۲ڈگری سینٹی گریڈ ریکارڈ ہوا ہے ۔