بیشتر علاقوں میں شبانہ درجہ حرارت میں بہتری

سرینگر//
وادی کشمیر کے بیشتر مقامات پر شبانہ درجہ حرارت نقطہ انجماد سے اوپر ریکارڈ ہونے سے لوگوں کو ٹھٹھرتی سردی سے قدرے راحت نصیب ہوئی ہے ۔
محکمہ موسمیات کے مطابق گرمائی دارلحکومت سرینگر میں کم سے کم درجہ حرارت۹ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۰ڈگری سینٹی گریڈ ریکارڈ ہوا تھا۔
سری نگر میں پانچ روز بعد شبانہ درجہ حرارت نقطہ انجماد سے اوپر ریکارڈ ہوا ہے ۔وادی کا مشہور سیاحتی مقام پہلگام سرد ترین جگہ رہا جہاں میں کم سے کم درجہ منفی۳ء۳ ڈگری سینٹی گریڈ ریکارڈ کیا گیا۔
سیاحتی مقام گلمرگ میں کم سے کم درجہ حرارت منفی ۰ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۴ء۰ڈگری سینٹی گریڈ ریکارڈ ہوا تھا۔وادی کے شمالی ضلع کپوارہ میں کم سے کم درجہ حرارت۲ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۰ ڈگری سینٹی گریڈ ریکارڈ ہوا تھا۔
کشمیر کے نام سے مشہور قصبہ قاضی گنڈ میں کم سے کم درجہ حرارت منفی۲ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۰ڈگری سینٹی گریڈ ریکارڈ ہوا تھا۔
دریں اثنا محکمے کے مطابق وادی میں اگلے چوبیس گھنٹوں کے دوران موسم ابر آلود رہنے کے ساتھ پہاڑی علاقوں میں کہیں کہیں ہلکی بارشوں یا برف باری کا امکان ہے ۔
موسمیات محکمہ کے ایک ترجمان نے کہا کہ وادی میں۲۴سے۲۶نومبر تک موسم مجموعی طور پر خشک رہ سکتا ہے اوراس کے بعد۲۷سے۳۰نومبر تک موسم ابر آلود رہنے کے ساتھ پہاڑی علاقوں میں کہیں کہیں ہلکی بارشوں یا برف باری کا امکان ہے ۔ان کا کہنا تھا کہ وادی میں بعد ازاں یکم دسمبر سے۳دسمبر تک موسم جزوی ابر آلود مگر خشک رہنے کی توقع ہے ۔انہوں نے کہا کہ وادی کے بیشتر علاقوں میں۲۸نومبر تک ہلکی دھند چھائی رہنے کا امکان ہے ۔