سب اِنسپکٹر پوسٹ کیلئے پی ایس ٹی اور پی اِی ٹی کا اِنعقاد ۲دسمبرکوہوگا

جموں//
جے اینڈ کے سروس سلیکشن بورڈ نے سب اِنسپکٹر (محکمہ داخلہ) کے عہدوں کے لئے فزیکل سٹینڈرڈ ٹیسٹ (پی ایس ٹی) اور فزیکل اینڈیورنس ٹیسٹ (پی اِی ٹی) کا اِنعقاد عارضی طور پر ۲؍دسمبر ۲۰۲۳ ء سے جموں اور سرینگر مراکز پرشروع کر رہا ہے۔
اِس سلسلے میں ایس ایس بی کی طرف سے آج یہاں جاری کردہ نوٹس کے مطابق، تمام اُمیدوار جنہوں نے سب اِنسپکٹرکے عہدہ کے لئے اِمتحانی مرکز کے طور پر کشمیرکا اِنتخاب کیا ہے اور یہ اَب جموں جموں سینٹر میں پی ایس ٹی اور پی اِی ٹی کا امتحان دینا چاہتے ہیں سے کہا گیا ہے کہ وہ۳ دِنوں کے اَندریعنی۲۵؍ نومبر۲۰۲۳ء تک صرف جموں و کشمیر سروسز سلیکشن بورڈ کے دفتر زم زم کمپلیکس رام باغ سری نگر میں آف لائن موڈ کے ذریعے بورڈ کے سامنے نمائندگی کریں۔
دستاویز میںکہا گیاہے کہ اِس سلسلے میں ۲۵؍نومبر۲۰۲۳ء کے بعد مزید کوئی درخواست قبول نہیں کی جائے گی۔