سرحدوں پر فوج کے جدید ٹیکنالوجی سے لیس راڈار نصب

سرینگر///
بھارتی فوج نے پاکستان سے متصل بین الاقوامی سرحد اور ایل اے سی پر ہتھیاروں کا سرغ لگانے کے لیے جدید ترین ٹیکنالوجی سے لیس ریڈارز نصب کیے ہیں۔
پاکستان کے متصل بین الاقوامی سرحد اور لائن آف ایکچول کنٹرول (ایل اے سی) پر ہتھیاروں کا سراغ لگانے والے ریڈار نصب کیے گئے ہیں۔
ایک میڈیا رپورٹ کے مطابق ریڈار کی مدد سے دشمن کی توپوں کی پوزیشن، دشمن کے مارٹروں کی درست جگہ اور دشمن کے راکٹوں اور اینٹی ٹینک گائیڈڈ میزائلوں کی پوزیشن کا بھی پتہ لگایا جا سکے گا۔
افسران کے مطابق ہتھیار تلاش کرنے والا یہ ریڈار ۴سے۴۰ کلومیٹر کے فاصلے پر دشمن کے تمام ہتھیاروں اور گولہ بارود کی صحیح جگہ کا پتہ لگانے کی صلاحیت رکھتا ہے۔
ان افسران کا کہنا ہے کہ ویپن لوکیٹنگ ریڈارنہ صرف دشمن کے ہتھیاروں کی پوزیشن کا پتہ لگاتا ہے بلکہ ان جگہوں کو بھی تباہ کر سکتا ہے جہاں سے دشمن بھارتی سرحد کے اندر فائرنگ کر رہا ہے۔ یعنی ’’یہ راڈار ڈبل ڈیوٹی کرتا ہے، یہ پتہ لگاتا ہے کہ دشمن کن علاقوں سے فائرنگ کر رہا ہے اور اس (راڈار) کی مدد سے گولہ بارود بھی دشمن پر فائر کیا جا سکتا ہے‘‘۔
افسران کا کہنا ہے ’’یہ ایک مکمل طور پر خودکار ہتھیاروں کا پتہ لگانے والا ریڈار ہے اور خواہ دن ہو یا رات، یا کوئی بھی موسم، جدیک تکنیک سے سرشار یہ راڈار آسانی سے دشمن کے ہتھیاروں کا بھی پتہ لگا سکتا ہے اور سب سے اہم بات یہ ہے کہ یہ ہندوستانی فوج کے لیے بہت کارگر ثابت ہو رہا ہے۔‘‘