محکمہ موسمیات کی 8 اور 9 نومبر کو جموں و کشمیر میں ہلکی بارش اور برف باری کی پیش گوئی

سرینگر/۶ نومبر
موسمیاتی مرکز سری نگر نے پیر کو جموں و کشمیر میں بدھ اور جمعرات کو میدانی علاقوں میں ہلکی بارش اور بالائی علاقوں میں ہلکی برفباری کی پیش گوئی کی ہے۔
محکمہ موسمیات نے کہا کہ 8 نومبر کو موسم ابر آلود لیکن خشک رہے گا لیکن دیر شام کے دوران جموں و کشمیر کے اونچے علاقوں میں چند مقامات پر ہلکی برفباری کا امکان ہے۔
9 نومبر کو، محکمہ موسمیات نے میدانی علاقوں میں ہلکی بارش اور جموں و کشمیر کے اونچی علاقوں اور لداخ یونین ٹیریٹری کے چند مقامات پر ہلکی برفباری کی پیش گوئی کی ہے۔
محکمہ موسمیات نے کہا”شمال مغربی حصوں اور اونچائی پر 4-5 انچ برفباری کا امکان ہے، مغل روڈ، سنتھن ٹاپ، رازدان پاس اور زوجیلا پاس سمیت سڑکوں پر جبکہ وادی کے بیشتر میدانی علاقوں میں بارش ہو گی“۔
محکمہ کے مطابق موسم خشک رہے گا کیونکہ 10 سے 16 نومبر تک کسی بھاری بارش کا کوئی خاص امکان نہیں ہے۔
محکمہ کاکہنا تھا کہ جموں و کشمیر میں اگلے 24 گھنٹوں کے دوران خشک موسم جاری رہنے کا امکان ہے جبکہ پیر موسم بنیادی طور پر صاف اور جزوی طور پر ابر آلود رہا۔
محکمہ موسمیات نے بتایا کہ جموں و کشمیر کی گرمائی دارالحکومت سری نگر میں کم از کم درجہ حرارت 2.7 ڈگری سیلسیس، قاضی گنڈ 1.8، پہلگام -0.3، کپواڑہ 1.2، کوکرناگ 4.2 اور گلمرگ 2.4 ہے۔