افغانستان میں سڑک حادثے میں چار افراد ہلاک، چھ زخمی

پل خمری//
شمالی افغانستان کے بغلان صوبے میں ایک سڑک حادثے میں چار افراد ہلاک اور چھ دیگر زخمی ہو گئے۔
یہ اطلاع صوبائی محکمہ ٹریفک کے ڈائریکٹر قاری محمد نذیر عابدی نے جمعرات کو دی۔
انہوں نے بتایا کہ یہ حادثہ بدھ کی رات صوبائی دارالحکومت پل خمری شہر کے مضافات میں پیش آیا۔ جاں بحق ہونے والوں میں دو خواتین اور دو بچے شامل ہیں۔
افغانستان میں اکثر سڑک حادثات کی اہم وجوہات میں سڑکوں کی خراب حالت، بھیڑ بھاڑ، سفر کے دوران حفاظتی اقدامات کا فقدان، تنگ گاڑیاں اور لاپروائی سے ڈرائیونگ شامل ہیں۔ ملک میں گزشتہ چھ ماہ کے دوران 2200سے زیادہ سڑک حادثات ہوئے ہیں جن میں 1000سے زیادہ افراد ہلاک ہو چکے ہیں۔