مودی تیسری باروزیر اعظم بن کر لوٹ آئیں گے :راجناتھ

لکھنؤ///
وزیر دفاع راج ناتھ سنگھ نے ہفتہ کے روز اس اعتماد کا اظہار کیا کہ وزیر اعظم نریندر مودی۲۰۲۴ کے لوک سبھا انتخابات میں واضح اکثریت کے ساتھ تیسری مدت کیلئے واپس آنے کو تیار ہیں۔
سنگھ نے کہا’’پورے ملک کے لوگوں کا اعتماد وزیر اعظم نریندر مودی کے ساتھ ہے اور یہ صرف میں نہیں بلکہ کئی سیاسی مبصرین نے بھی اس حقیقت کو قبول کیا ہے کہ وہ ۲۰۲۴کے لوک سبھا انتخابات میں واضح اکثریت کے ساتھ واپس آ رہے ہیں‘‘۔
وزیر دفاع نے اپنے پارلیمانی حلقہ لکھنؤ کے دو روزہ دورے پر صحافیوں کو بتایا۔
سنگھ آنے والے انتخابات میں اپوزیشن بلاک انڈیا کی طرف سے درپیش چیلنج پر ایک سوال پر ردعمل دے رہے تھے۔
یہاں والمیکی جینتی کے موقع پر مہارشی والمیکی کو خراج عقیدت پیش کرتے ہوئے سنگھ نے کہا’’پوری دنیا جانتی ہے، اور مجھے یقین ہے کہ مہارشی والمیکی کے رام صرف ایک بادشاہ نہیں تھے بلکہ ایک لوک نائک… یوگ پرش اور اوتار تھے‘‘۔
وزیر دفاع نے کہا’’تمام بھارت واسی، چاہے وہ دنیا کے کسی بھی حصے میں ہوں، رام کو مریادا پرشوتم کے طور پر دیکھیں جیسا کہ مہارشی والمیکی نے رامائن میں نقش کیا ہے۔‘‘
اسنگھ نے والمیکی جینتی کے موقع پر لوگوں کو مبارکباد بھی دی۔ (ایجنسیاں)