ادھم پور میں سڑک حادثہ ، سات مسافر زخمی

جموں//
جموںکشمیر کے ادھم پور ضلع میں رام نگر شاہراہ پر گاڑی کو حادثہ پیش آیا جس کے نتیجے میں سات مسافر زخمی ہوئے ۔
ذرائع نے بتایا کہ جمعے کے روز رام نگر شاہراہ پر ایک مسافر بردار گاڑی کو حادثہ پیش آیا جس کے نتیجے میں سات مسافر زخمی ہوئے ۔
معلوم ہوا ہے کہ زخمیوں کو طبی امداد کی خاطر نزدیکی ہسپتال منتقل کیا گیا جہاں پر سبھی کی حالت مستحکم بتائی جارہی ہے ۔
دریں اثنا پولیس نے اس ضمن میں کیس درج کرکے تحقیقات شروع کی ۔