آر آر ایس کے سربراہ کا جموں کشمیر کا دورہ

جموں//
راشٹریہ سویم سیوک سنگھ(آر ایس ایس) کے سربراہ‘ موہن بھاگوت ۱۳؍اکتوبر سے تین روزہ دورے پر جموں و کشمیر میں ہوں گے۔
ایک بیان کے مطابق، بھاگوت کا مرکز کے زیر انتظام علاقے کا دورہ آر ایس ایس کے لیڈران تنظیم کے کام کاج کا جائزہ لینے کے لیے ملک بھر میں سفر کر رہے ہیں۔
اس دورے کے دوران، بیان میں کہا گیا ہے، آر ایس ایس سربراہ ۱۴؍ اکتوبر کو یونین کے زیر انتظام علاقے میں تنظیم کے کام کاج اور اس کے ذریعے کی جا رہی سماجی ترقی کی سرگرمیوں کا جائزہ لینے کے لیے کارکنوں کی میٹنگ کی صدارت کریں گے۔
بھاگوت اگلے دن ایک رابطہ میٹنگ کی صدارت بھی کریں گے اور کٹھوعہ ضلع میں رضاکاروں کے ایک اجتماع سے خطاب کریں گے۔
بیان میں کہا گیا ہے کہ آر ایس ایس ۲۰۲۵میں اپنے قیام کے۱۰۰سال مکمل کر رہی ہے اور اس کے توسیعی ہدف پر کام بھی شروع ہو جائے گا۔