ڈرون کے لیے پی ایل آئی اسکیم کے تحت درخواستیں طلب

نئی دہلی//ملک کو 2030 تک دنیا کا ڈرون مرکز بنانے کے مقصد سے ، شہری ہوا بازی کی وزارت نے پروڈکشن بیسڈ انسینٹیو (پی ایل آئی) اسکیم کے تحت ڈرون اور اس کے پرزوں کے لیے درخواستیں طلب کی ہیں۔
وہ کمپنیاں جنہوں نے مالی سال 2021-22 کے لیے PLI اہلیت کی حد کو پار کرلی ہیں وہ بھی درخواست دے سکتی ہیں۔ درخواست فارم جمع کرانے کی آخری تاریخ 20 مئی ہے ۔
شہری ہوا بازی کی وزارت نے ڈرون اور اس کے پرزہ جات بنانے والی کمپنیوں سے درخواستیں لینا شروع کردی ہی۔ وہ کمپنیاں جنہوں نے پورے مالی سال (1 اپریل 2021 سے 31 مارچ 2022) کے لیے PLI اہلیت کی حد کو عبور کرلی ہیں، ایسے مینوفیکچررز بھی اپنی درخواستیں جمع کروا سکتے ہیں۔
PLI سے مستفید ہونے والوں کے مالیاتی نتائج اور دیگر مطلوبہ دستاویزات کی مکمل جانچ پڑتال کے بعد، ان کی فہرست 30 جون 2022 تک جاری کی جا سکتی ہے ۔
قبل ازیں، شہری ہوا بازی کی وزارت نے 20 اپریل کو 14 پی ایل آئی مستفیدین کی ایک عارضی فہرست جاری کی تھی جو دس مہینوں (1 اپریل 2021 سے 31 جنوری 2022) کے مالیاتی نتائج پر مبنی تھی۔ ان میں ڈرون بنانے والے پانچ اور ڈرون کے پرزے بنانے والے نو کمپنیاں شامل تھیں۔
PLI اسکیم کے تحت ڈرون اور اس کے پرزوں کی اہلیت میں سالانہ ٹرن اوور کو بھی شامل کیا گیا ہے ۔ اس حوالے سے ڈرون بنانے والی کمپنیوں کا سالانہ ٹرن اوور 2 کروڑ روپے اور ڈرون کے پرزے بنانے والی کمپنیوں کا سالانہ ٹرن اوور 50 لاکھ روپے ہونا چاہیے ۔ کاروبار میں 40 فیصد سے زیادہ ویلیو ایڈیشن ہونا بھی ضروری ہے ۔
ڈرون اور اس کے پروزوں کے لیے پی ایل آئی اسکیم 30 ستمبر 2021 کو شروع کی گئی تھی۔ اسکیم کے تحت، تین مالی سالوں میں کل 120 کروڑ روپے کی ترغیب دی جائے گی، جو کہ مالی سال 2020-21 میں تمام مقامی ڈرون مینوفیکچررز کے مشترکہ کاروبار سے تقریباً دوگنا ہے ۔ PLI کی شرح ویلیو ایڈیشن کا 20 فیصد ہے ، جو کہ دیگر PLI اسکیموں میں سب سے زیادہ ہے ۔
پی ایل آئی اسکیم کے علاوہ، مرکزی حکومت نے 2030 تک ہندوستان کو عالمی ڈرون مرکز بنانے کے لیے کئی اصلاحات کیے ہیں۔ اس میں ڈرون رولز 2021 کو وسیع کرنے کا نوٹیفکیشن، ڈرون ایئر اسپیس میپ 2021 کی اشاعت شامل ہے ۔ اس کے تحت تقریباً 90 فیصد ہندوستانی فضائی حدود کو گرین زون کے طور پر کھول دیا گیا ہے ۔اصلاحات میں ڈرون امپورٹ پالیسی 2022 شامل ہے جس میں بیرون ملک تیار کردہ ڈرونز کی درآمد پر پابندی اور ڈرون آپریشن کے لیے ڈرون پائلٹ لائسنس حاصل کرنے کی شرط کو ختم کرنے والے ڈرونز (ترمیمی) رولز، 2022 شامل ہے ۔