ہندوارہ میں آدم خور تیندوے کو مار گرایا گیا

سرینگر//
شمالی کشمیر کے کپواڑہ ضلع کے نچامہ گاؤں میں آج شام ایک’آدم خور‘ تیندوا مارا گیا۔
مقامی ذرائع نے بتایاکہ ایک تیندوا، جس کے بارے میں خیال کیا جاتا ہے کہ اس نے گزشتہ پیر کو ایک تین سالہ بچے کو مار ڈالا تھا، محکمہ وائلڈ لائف کے شوٹروں نے مارا تھا۔
ذرائع نے کہا ’’چیتا گھوم رہا تھا اور مقامی لوگوں اور ان کے مویشیوں کے لیے خطرہ تھا‘‘۔انہوں نے مزید کہا کہ جیسے ہی درندے کے نمودار ہوئے، چوکس مقامی لوگ اس کا پیچھا کرنے کے لیے ارد گرد جمع ہو گئے اور اسی دوران محکمہ وائلڈ لائف کی ایک ٹیم مطلوبہ سامان لے کر پہنچ گئی۔ تیندوے پر ہتھیاروں سے گولی چلائی گئی جس کے نتیجے میں اس کی فوری موت واقع ہوئی۔
رابطہ کرنے پر محکمہ وائلڈ لائف کے ایک اہلکار نے ایک مقامی خبر رساں ایجنسی کو تیندوے کے مارے جانے کی تصدیق کی۔ اہلکار نے کہا ’’کل اس نابالغ لڑکے کی موت کے بعد سے ہم اس کی نقل و حرکت پر نظر رکھے ہوئے تھے‘‘۔