پارٹی’مخالف‘ سرگرمیاں صوفی یوسف کو شو کاز نوٹس

سرینگر//
بھارتیہ جنتا پارٹی (بی جے پی) کی جموں کشمیر یونٹ نے پیر کو پارٹی کے سینئر لیڈر صوفی یوسف کو مبینہ طور پر پارٹی مخالف سرگرمیوں میں ملوث ہونے پر شوکاز نوٹس جاری کیا۔
پارٹی کی طرف سے یوسف کو جاری نوٹس میں لکھا گیا ہے’’پارٹی کے سینئر لیڈر ہونے اور اب ایک بہت ہی سینئر عہدے پر فائز ہونے کے باوجود، یہ جموں کشمیر بھارتیہ جنتا پارٹی کی ڈسپلنری کمیٹی کے نوٹس میں آیا ہے کہ بدقسمتی سے، آپ پارٹی مخالف سرگرمیوں میں ملوث ہیں اور اپنے سیاسی معاملات میں واضح طور پر بے ضابطگی کا مظاہرہ کر رہے ہیں۔‘‘
نوٹس میں مزید کہا گیا ہے’’ آپ نے چند اور افراد کے ساتھ پارٹی کیڈر میں اختلاف پیدا کرنے کی کوشش کی ہے اور اب آپ کا آڈیو ریکوڈنگ کلپ منظر عام پر آیا ہے جس کے مندرجات میں دکھایا گیا ہے کہ آپ کو پارٹی ڈسپلن اور پارٹی کے سیاسی نظریے کی بنیاد رکھنے والے اعلیٰ اصولوں کی کوئی پروا نہیں ہے‘‘۔
’’آپ کو ہدایت کی جاتی ہے کہ آج سے۷دن کے اندر اندر دستخط کرنے والوں کو اپنی بدتمیزی اور بے ضابطگی پر اپنا جواب جمع کرائیں کہ آپ کو کسی بھی جائز کارروائی کے علاوہ پارٹی کے تمام عہدوں سے ہٹانے کی کارروائی کیوں نہیں کی جا سکتی ہے۔ آپ کو مزید ہدایت کی جاتی ہے کہ ان کارروائیوں سمیت کسی بھی معاملے پر براہ راست یا بالواسطہ طور پر میڈیا کے ساتھ بات چیت نہ کریں جب تک کہ کارروائی زیر التواء ہو۔‘‘