جموں//
جموںکشمیر حکومت نے پیر کو انتظامیہ میں تبادلوں اور تعیناتیوں کا حکم دیا۔
مدثر احمد، جے کے اے ایس، سب ڈویڑنل مجسٹریٹ، گریز، جو سب رجسٹرار، گریز کا اضافی چارج رکھتے ہیں، کا تبادلہ اسسٹنٹ کمشنر پنچایت، کپوارہ کے طور پر، دستیاب اسامی پر تعینات کیا گیا ہے۔
ڈپٹی کمشنر اننت ناگ کے دفتر میں ایڈجسٹمنٹ کے احکامات کے منتظر جے کے اے ایس ‘مختار احمد آہنگر کا تبادلہ کر کے سب ڈویڑنل مجسٹریٹ، گریز کے طور پر تعینات کیا گیا ہے، وہ آئندہ تک سب رجسٹرار، گریز کے عہدے کا اضافی چارج بھی سنبھالیں گے۔
چندر کانت بھگت‘جے کے اے ایس‘ڈی پی او پونچھ کا تبادلہ سب رجسٹرار، جموں (جنوبی) کے طور پر ایک دستیاب اسامی پر تعینات کیا گیا ہے۔
مشتاق احمد بھٹ، جے کے اے ایس، ڈپٹی سکریٹری برائے حکومت، ریونیو ڈپارٹمنٹ، کا تبادلہ اسسٹنٹ کمشنر پنچایت، بارہمولہ، گلزار احمد، جے کے اے ایس کی جگہ پر کیا گیا ہے۔گلزار احمد محکمہ جنرل ایڈمنسٹریشن میں ایڈجسٹمنٹ کے مزید احکامات کا انتظار کریں گے۔
یاسمین جان، جے کے اے ایس، انفارمیشن ٹیکنالوجی ڈپارٹمنٹ میں پرائیویٹ سکریٹری، کا تبادلہ پرسنل آفیسر، ایسوسی ایٹڈ ہسپتال، سری نگر کے طور پر کیا گیا ہے۔ محترمہ شاہینہ خان، جے کے اے ایس کے ‘ جنرل ایڈمنسٹریشن ڈیپارٹمنٹ میں ایڈجسٹمنٹ کے مزید احکامات کا انتظار کریں گی۔
اس کے علاوہ انجو آنند، جے کے اے ایس، اسسٹنٹ سیٹلمنٹ آفیسر، جموں، سب رجسٹرار آر ایس کے عہدے کا اضافی چارج سنبھالیں گی۔
روف احمد لون، جونیئر اسکیل جے کے اے ایس، تحصیلدار، ڈی ایچ پورہ، کو تبدیل کرکے انڈر سکریٹری برائے حکومت، محکمہ داخلہ تعینات کیا گیا ہے۔