ترال سڑک حادثے میں۱۲؍افراد زخمی‘چھ سرینگر منتقل

سرینگر//
جنوبی کشمیرکے ترال نوڈل سڑک پر جمعرات کی سہ پہر دو گاڑیوں کے درمیان زور دار ٹکر ہوئی جس کے نتیجے میں ایک درجن افراد زخمی ہوئے جن میں سے چھ کو نازک حالت میں سری نگر منتقل کیا گیا۔
اطلاعات کے مطابق نوڈل ترال میں اس وقت سنسنی اور خوف ودہشت کا ماحول پھیل گیا جب وگنار اور ٹویرا کے درمیان زور دار ٹکر ہوئی جس وجہ سے دونوں گاڑیوں میں سوار ایک درجن افراد زخمی ہوئے ۔معلوم ہوا ہے کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا جہاں سے چھ کو سری نگر ریفر کیا گیا ہے ۔
مقامی ذرائع نے زخمیوں کی شناخت تنویر احمد ساکن ترال ، راجا نور لہدا ساکن پنیر جاگیر ، رتبہ زہرا ساکن پنیر ترال، فیاض احمد ساکن شیر آباد، شوکت احمد بٹ ساکن ستوار، اقرا جان ساکن سید آباد ، بازلہ جان ساکن لال گام ، جاوید احمد ریشی لالپورہ، اسد اللہ بٹ ساکن شیر یف آباد، اقرا جان ساکن بہوہ اونتی پورہ ، طاریق احمد شریف آباد، بلال احمد بٹ ساکن ترال، فاروق احمد بٹ شریف آباد ترال کے بطور کی ہے ۔
ہسپتال ذرائع کا کہنا ہے کہ ابتدائی مرہم پٹی کے بعد چھ زخمیوں کو سری نگر منتقل کیا گیا۔پولیس نے حادثے کی وجوہات جاننے کی خاطر کیس درج کرکے مزید تحقیقات شروع کی۔