سرینگر//
امریکہ سفارت خانہ نئی دہلی میں منسٹر کونسل برائے سیاسی امور ‘ گراہم مائر نے آج راج بھون میں لیفٹیننٹ گورنر منوج سنہا سے ملاقات کی۔
اِس موقعہ پر فرسٹ سیکرٹری گیری ایپل گارتھ اور سیاسی ماہر نئی دہلی میں امریکی سفارت خانہ ابھیرام گھڈیال پاٹل بھی موجود تھے۔
دریں اثنا آل جے اینڈ کے ٹرانسپورٹ ویلفیئر ایسوسی ایشن کے چیئرمین ایس اجیت سنگھ نے آج راج بھون میں لیفٹیننٹ گورنر سے ملاقات کی۔
وفد کے ارکان نے لیفٹیننٹ گورنر کو پبلک ٹرانسپورٹ کے ہموار آپریشنز اور ٹرانسپورٹر برادری کی فلاح و بہبود سے متعلق مختلف مسائل اور مطالبات سے آگاہ کیا۔
ایس اجیت سنگھ نے لیفٹیننٹ گورنر سے سرور ٹول پلازہ پر ٹول ٹیکس وصولی کو فوری طور پر جموں‘کٹھوعہ قومی شاہراہ کی بحالی کے مکمل ہونے تک وسیع تر عوامی مفاد میں معطل کرنے کی درخواست کی۔
سنگھ نے لیفٹیننٹ گورنر کو مسلسل بارش کی وجہ سے جموں‘کٹھوعہ قومی شاہراہ پر دو اہم پلوں کو پہنچنے والے نقصان کی وجہ سے ٹرانسپورٹروں اور عام لوگوں کو درپیش مسائل سے بھی آگاہ کیا۔
لیفٹیننٹ گورنر نے وفد کے ارکان کو بات چیت کے دوران پیش کردہ مسائل پر مناسب کارروائی کا یقین دلایا۔
