یہ حقیقت ہے کہ پاک بھارت ٹاکرے میں کھلاڑیوں پر بہت دباؤ ہوتا ہے: ویرات کوہلی

لاہور//

بھارتی کرکٹ ٹیم کے سابق کپتان اور ٹاپ آرڈر بیٹر ویرات کوہلی نے پاک بھارت ٹاکرے کے دوران کھلاڑیوں پر آنے والے پریشر کے بارے میں کُھل بات کردی۔ ایشیاء کپ سے قبل سماجی رابطے کی سائٹ ایکس (ٹوئٹر) پر بھارتی براڈ کاسٹر سٹار سپورٹس کی طرف سے شیئر کی گئی ویڈیو میں ویرات کوہلی نے کہا کہ ’میں اس حقیقت کو تسلیم کرتا ہوں کہ روایتی حریفوں پاکستان اور بھارت کے درمیان میچ میں کھلاڑیوں پر بہت دباؤ ہوتا ہے جس کو آپ نظر انداز نہیں کرسکتا، بطور کھلاڑی جب آپ میدان میں قدم رکھتے ہیں تو بیرونی ماحول آپ کو اندر کھینچ لیتا ہے، کیونکہ فینز کی امید ہوتی ہے کہ ان کی ٹیم کامیاب ہوگی ‘۔

واضح رہے کہ ایشیاء کپ 2023ء میں پاکستان اور بھارت کی ٹیمیں 2 ستمبر کو کینڈی میں گروپ میچ میں ایک دوسرے کے مدمقابل آئیں گی۔

واضح رہے کہ ویرات کوہلی نے پاکستان کیخلاف ایشیاء کپ 2012ء میں میرپور میں اپنا سب سے بہترین ون ڈے سکور 183 بنایا تھا۔ ون ڈے اور ٹی ٹونٹی فارمیٹ میں ویرات کوہلی نے پاکستان کے خلاف 60.23 کی اوسط سے 23 اننگز میں 1024 رنز سکور کررکھے ہیں۔ اس سے قبل ویرات کوہلی نے نے ایک انٹرویو میں قومی ٹیم کے کپتان بابراعظم کو تمام فارمیٹس کا بہترین کھلاڑی قرار دیتے ہوئے بتایا تھا کہ بابر سے میرا پہلا براہ راست تعارف 2019ء ورلڈ کپ میں عماد وسیم کے ذریعے ہوا تھا، عماد نے بتایا کہ بابراعظم تم سے ملاقات کرنا چاہتا ہے۔