شاستری اور پاٹل نے تلک ورما کی تعریف کی

نئی دہلی// ہندوستان کے سابق کوچ روی شاستری اور ورلڈ کپ جیتنے والی ہندوستانی ٹیم کے رکن سندیپ پاٹل نے ایشیا کپ اور ورلڈ کپ کے لیے قومی ٹیم میں تلک ورما کو شامل کرنے کی وکالت کی ہے۔
اسٹار اسپورٹس کے ساتھ ایک خصوصی بات چیت میں، شاستری نے کہا، "میں تلک ورما سے بہت متاثر ہوں۔ بہت، بہت متاثرہوں۔ میں ایک بائیں ہاتھ کا کھلاڑی چاہتاہوں۔ اس لیے اگر میں مڈل آرڈر میں بائیں ہاتھ کے بلے باز کی تلاش میں ہوں، جیسے یوراج سنگھ اور اس سے پہلے پانچیوں نمبر پر سریش رینا تھے، تو میں اس سمت میں تلک ورما کو دیکھنا چاہوں گا۔ سینڈی اور ایم ایس کے سلیکٹر رہے ہیں اور اگر میں اپنے پینل کے ساتھ سلیکٹر ہوتا، تو میں اس موجودہ فارم کو دیک رہا ہوتا کہ وہ اپنے رن کیسے بنا رہا ہے۔ ان کے پاس سب کچھ ہے۔
سندیپ پاٹل نے کہا، میں ورلڈ کپ اور ایشیا کپ کے لیے اپنی ٹیم میں تلک ورما اور سوریہ کمار یادو کو دیکھنا چاہوں گا۔ پلیئنگ الیون میں کون ہوگا، اس کا فیصلہ توازن اور اپوزیشن کو دیکھ کر کیا جاسکتا ہے۔ لیکن تلک ورما اور سوریہ کمار یادو دونوں میری ٹیم میں ہوں گے۔
قابل ذکر ہے کہ انڈین پریمیئر لیگ کے پچھلے ایڈیشن کے علاوہ ویسٹ انڈیز کے خلاف حال ہی میں ختم ہونے والی ٹی20 سیریز میں اپنی کارکردگی سے متاثر کیاتھا۔ 30 اگست سے پاکستان اور سری لنکا ایشیا کپ کھیلا جائے گا جبکہ ورلڈ کپ 5 اکتوبر سے 19 نومبر تک ہندوستان میں کھیلا جائے گا۔