جموں وکشمیر بینک کے اے ٹی ایم گارڈز کا سری نگر میں احتجاج

سرینگر//
جموںکشمیر بینک کے اے ٹی ایم گارڑدوں نے جمعہ کے روز یہاں پریس کالونی میں جمع ہوکر نوکریوں سے بر طرف کرنے کے خلاف احتجاج درج کیا۔
احتجاجی اپنے مطالبات کے حق میں جم کر نعرہ بازی کر رہے تھے ۔
اس موقع پر ایک احتجاجی نے میڈیا کے ساتھ بات کرتے ہوئے کہا کہ ہم کو بیس برسوں کے بعد نکال دیا گیا۔انہوں نے کہا کہ ہم تین سو لڑکے ہیں جو بے روز گار ہوئے ہیں۔
ان کا کہنا تھا’’بیس برسوں تک نوکری کرنے کے بعد اب ہم کہاں جائیں گے ‘ اب ہم مزدوری بھی نہیں کر سکتے ہیں‘‘۔انہوں نے کہا’’ہماری ماہانہ تنخواہ ۸ہزار روپے تھی ہم اسی پر اپنا گذارہ کرتے تھے ‘‘۔
احتجاجی نے جموں و کشمیر کے لیفٹیننٹ گورنر منوج سنہا سے مداخلت کرنے کی اپیل کی۔انہوں نے کہا’’ہم انصاف چاہتے ہیں ایل جی صاحب اور چیئرمین صاحب مداخلت کرکے ہماری نوکریوں کو بحال کریں‘‘۔
ایک اور احتجاجی نے میڈیا کو بتایا کہ بیس برسوں کے بعد ہمیں نکال دیا گیا۔انہوں نے کہا’’ہمارے بچے رو رہے ہیںہم جوان تھے جب ہم نے نوکری شروع کی تھی اب بوڑھے ہوگئے ہیں ہم کہاں جائیں گے ۔‘‘