لال بازار سے زڈی بل تک عاشورۂ محرم کا جلوس بر آمد کرنے کی اجازت

سرینگر//
یو ٹی انتظامیہ نے جمعہ کو اعلان کیا کہ عاشورہ محرم کے جلوس کو بوٹا کدل، لال بازار سے زڈی بل میں امام باڑہ تک والے راستے سے گزرنے کی اجازت دی جائے گی۔
عاشورہ کے جلوس میں شرکت کرنے والے عزاداروں کی آسانی سے گزرنے کو یقینی بنانے کیلئے وسیع انتظامات کیے گئے ہیں۔
سرینگر میں۳۴سال بعد پہلی بار ۸محرم کے جلوس کو روایتی راستوں سے نکالنے کی اجازت دینے کے بعد یوٹی انتظامیہ کی طرف سے یہ دوسرا بڑا فیصلہ ہے۔
۸ویں محرم کے جلوس کو گرو بازار سے ایم اے روڈ سے دلاگے تک جانے دیا گیا۔ پولیس نے ۸ محرم الحرام کے لیے سخت انتظامات کیے تھے۔
پولیس نے کہا کہ عاشورہ محرم کے موقع پر بڑے اجتماعات کے پیش نظر سیکورٹی کے اضافی انتظامات برقرار رہیں گے۔
ٹریفک کی روانی کو یقینی بنانے کے لیے محکمہ ٹریفک نے عاشورہ محرم کیلئے ایڈوائزری جاری کی۔ ایڈوائزری کے مطابق یوم عاشورہ محرم کو منایا جائے گا۔’’مرکزی ذوالجناح کا جلوس بوٹا کدل سے مرکزی امام باڑہ زڈی بل تک نکالا جائے گا، جس سے زڈی بل اور ملحقہ علاقوں میں ٹریفک کی آمدورفت متاثر ہوگی‘‘۔
اس میں مزید کہا گیا ہے ’’ٹریفک کی ہموار نقل و حرکت اور عام لوگوں کی سہولت کے لیے/ گاڑی چلانے والوں کے لیے درج ذیل ٹریفک ایڈوائزری جاری کی گئی ہے: زڈی بل کی طرف جانے والی ٹریفک کو فردوس سینما، مل اسٹاپ، لال بازار، بوٹا کدل اور چھٹی پادشاہی پر موڑ دیا جائے گا‘‘۔
ایڈوائزری میں مزید کہا گیا ہے ’’لالچوک سے صورہ کی طرف جانے کا ارادہ رکھنے والے موٹرسائیکل ڈاکٹر علی جان روڈ کو اپنائیں اور زکورہ سے لال چوک کی طرف جانے والے موٹرسائیکل فورشور روڈ کو اپنائیں‘‘۔
ایڈوائزری میں مزید کہا گیا ہے ’’گوجواڑہ سے زڈی بل کی طرف آنے والی گاڑیوں کو فردوس سینما سے ڈاکٹر علی جان روڈ سے سازگری پورہ کی طرف موڑ دیا جائے گا اور لال چوک سے بادام واڑی کی طرف آنے والی گاڑیوں کو چھٹی پادشاہی سے کاٹھی دروازہ کی طرف موڑ دیا جائے گا‘‘۔
لال بازار کے علاقے سے کنی تار ‘حضرت بل‘فورشور روڈ استعمال کریں گے۔
اس میں کہا گیا ہے’’عوام الناس سے گزارش ہے کہ براہ کرم ان علاقوں کی طرف غیر ضروری نقل و حرکت سے گریز کریں جہاں یوم عاشورہ کا جلوس نکالا جا رہا ہے تاکہ کسی قسم کی تکلیف سے بچا جا سکے۔‘‘