وادی میں کورونا وائرس کا کوئی نیا کیس درج نہیں

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۹نئے مثبت معاملات سامنے آئے ہیںجن کا تعلق جموں صوبے سے ہے۔
وادی میں کوئی نیا کیس سامنے نہیں آئے ہیں ۔
ایک سرکاری ترجمان کے مطابق اِس طرح مثبت معاملات کی کل تعداد۴لاکھ۵۴ہزار۱۳تک پہنچ گئی ہے‘جن میں سے۵۵(صوبہ جموں میں۴۴؍اور کشمیر صوبے میں۱۱)سر گرم معاملات ہیں۔اَب تک۴لاکھ۴۹ہزار۲۰۷اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران آج ضلع وار کووِڈمثبت معاملات کی رِپورٹ فراہم کرتے ہوئے کشمیر صوبے میں آج کسی بھی اضلاع سے کسی بھی مثبت معاملے کوئی رِپورٹ نہیں ہے۔
البتہ ضلع جموںمیں۹نئے معاملات سامنے آئے ہیں ۔راجوری اودھمپور ، کٹھوعہ ،ڈوڈہ ، سانبہ ،کشتواڑ ، پونچھ ، رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۴؍اَفراد شفایاب ہوئے ہیںجن میں ایک جموں صوبے سے اور ۳کا تعلق صوبہ کشمیر سے ہے۔
بیان کے مطابق گزشتہ ۲۴ گھنٹوں کے دوران کورونا وائرس سے کوئی تازہ موت درج نہیں ہو ئی ہے ۔ جموںکشمیر میں کوروناوائرس سے مرنے والوں کی مجموعی تعداد۴۷۵۱تک پہنچ گئی‘جن میں سے۲۴۲۳کاکشمیر اور۲۳۲۸کاتعلق جموں صوبہ سے ہے۔