شوپیاں میں اسلحہ چھیننے کی کوشش ناکام ‘ ایک گرفتار

سرینگر///
ایک اعلیٰ پولیس افسر نے بتایا کہ جنوبی کشمیر کے شوپیاں ضلع کے امام صاحب علاقے میں جمعرات کی شام رائفل چھیننے کی کوشش کو ناکام بنا دیا گیا۔
ایک سینئر پولیس افسر نے ایک مقامی خبر رساں ایجنسی کو بتایا کہ امام صاحب کے کیمپ کے قریب ایک شخص نے ایس او جی اہلکاروں سے ہتھیار چھیننے کی کوشش کی۔
پولیس آفیسر نے کہا کہ فوری کارروائی کرتے ہوئے چھیننے والے کو البتہ موقع پر ہی گرفتار کر لیا گیا۔
شوپیان کے سینئر سپرنٹنڈنٹ آف پولیس (ایس ایس پی) نے واقعے کی تصدیق کی اور کہا کہ معاملے کی مزید تحقیقات کرنے کیلئے ایک کیس درج کیا جا رہا ہے۔