سمارٹ میٹرز کی تنصیب کے خلاف نوابازارمیں احتجاج

سرینگر//
سرینگر کے گنجان آبادی والے علاقے‘ نوا بازار سرینگر میں سمارٹ میٹرز نصب کرنے کے خلاف مرد و زن نے سڑکوں پر آکر احتجاج کیا۔
اطلاعات کے مطابق جمعرات کے روز پائین شہر کے شاہ محلہ نوابازار علاقے میں سمارٹ میٹرز نصب کرنے کے خلاف لوگوں نے پر امن احتجاج کیا۔
مظاہرین نے نامہ نگاروں سے بات چیت کے دوران بتایاکہ محکمہ پی ڈی ڈی کے ملازمین جمعرات کے روز علاقے میں نمودار ہوئے اور بجلی میٹرز نصب کرنے کی کوشش کی تو لوگ سڑکوں پر نکل آئے اور احتجاج کیا۔
مظاہرین نے مزید بتایا کہ علاقے میں اکثر کنبے غریبی کی سطح سے نیچے زندگی گزر بسر کر رہے ہیں اور وہ چار ہزا ربجلی فیس ادا کرنے کی پوزیشن میں نہیں۔
ان کے مطابق گر چہ محکمہ پی ڈی ڈی کے عہدیداروں کو بھی اس بارے میں قبل از وقت جانکاری فراہم کی گئی لیکن لوگوں کی اس مانگ کی اور کوئی توجہ نہیں دی جا رہی ہے ۔
ایک مقامی خاتون نے بتایا کہ ماہانہ بجلی فیس میں اضافہ کرنے میں انہیں کوئی حرج نہیں لیکن میٹرز کو نصب نہ کیا جائے کیونکہ وہ اس پوزیشن میں نہیں کہ میٹرز کے حساب سے ماہانہ بجلی فیس ادا کر سکے ۔
ان کے مطابق پی ڈی ڈی محکمہ نے علاقے کی بجلی کاٹ دی ہے یہ کون سا انصاف ہے ۔
مقامی لوگوں نے بتایا کہ ان کی زندگی اجیرن بن گئی ہے اور اس حوالے سے حکومت کو اپنی پوزیشن واضح کرنی چاہئے ۔
بتادیں کہ شمال و جنوب اور وسطی کشمیر میں سمارٹ میٹرز کی تنصیب کے خلاف لوگوں کا احتجاج لگاتا رجاری ہے ۔
۔۔۔۔۔۔۔۔۔۔۔۔