پاکستان کو ہندوستان سے کہیں بھی کھیلنے میں کوئی مسئلہ نہیں: عبدالرزاق

لاہور //سابق آل راؤنڈر عبد الرزاق نے کہا ہے کہ پاکستانی کرکٹ ٹیم کو ہندوستان سمیت کہیں بھی ہندوستان سے کھیلنے میں مسئلہ نہیں ہے۔
جیو نیوز سے گفتگو کرتےہوئے سابق آل راؤنڈر عبدالرزاق نے کہا کہ کرکٹ جہاں بھی ہو ہم پاکستانی کرکٹ کھیلنا اور دیکھنا چاہتے ہیں، ہماری خواہش ہوتی ہے کہ فینز کرکٹ سے لطف اندوز ہوں۔
انہوں نے کہاکہ ہم کرکٹ کی ترقی کے لیے ہر جگہ کھیلنے کے لیے تیار ہوتے ہیں، کرکٹ اب ایک تفریح بن چکی ہے اور پوری دنیا میں دیکھی جاتی ہے۔
سابق کرکٹر کا کہنا تھا کہ ہندوستان اور پاکستان کا میچ سب سے زیادہ دنیا میں دیکھا جاتا ہے، صرف ہندوستان کی طرف سے پابندیاں لگائی جاتی ہیں پاکستان کو مسئلہ نہیں ہوتا، رکاوٹیں ہندوستان کھڑی کرتا ہے ہمیں تو کہیں بھی کھیلنے میں مسئلہ نہیں۔
عبدالرزاق نے مزید کہا کہ ہم تو چاہتے ہیں کہ اگر پاکستان میں ہند پاک میچز ہوتے تو کرکٹ کو فائدہ ہوتا، ہم تو کرکٹ کے لیے شارجہ میں بھی ہندوستان سے کھیلنا چاہتے ہیں۔
انہوں نے کہا کہ ہم ایک عرصے سے ہند پاک کرکٹ کو مس کر رہے ہیں، پاکستان کرکٹ ٹیم کو ہندوستان سمیت کہیں بھی ہندوستان سے کھیلنے میں مسئلہ نہیں ہے۔