بٹہ مالو آتشزدگی:۲ فائر فائٹرز کو دم گھٹنے کے باعث ہسپتال میں داخل کیا گیا

سرینگر//
سرینگر کے بٹہ مالو کے مومن آباد علاقے میں اتوار کی سہہ پہر ایک سہہ منزلہ ڈائمند ہارڈ وئیر عمارت میں آگ نمودار ہوگئی جس کے شعلے نے عمارت کو چشم زدن میں اپنی لپیٹ میں لے لیا۔
سرکاری ذرائع نے بتایا آگ پر قابو پانے کے دوران دو فائر فائٹرز کو دم گھٹنے کی وجہ سے ہسپتال میں داخل کرایا گیا۔
ذزائع نے کہا کہ آگ کو قابو پر پالیا گیا ہے تاہم احتیاطی طور پر فائر فائیٹنگ گاڑی اور واٹر پمپ کو جائے واردات پر ہی رکھا گیا ہے ۔
ہسپتال میں داخل فائر مین کی شناخت نور عالم اور محمد الطاف کے بطور ہوئی ہے ۔
محکمہ فائر اینڈ ایمرجنسی کے ایک عہدیدار نے بتایا کہ آگ پر قابو کرنے کا یہ آپریشن قریب۶گھنٹوں تک جاری رہا اس آپریشن میں۱۹فائر اسٹیشنوں کی۲۰گاڑیوں کو استعمال میں لایا گیا۔
۔۔۔۔۔۔۔۔۔۔۔۔۔۔