ادھم پور سڑک حادثے میں چھ سیاح زخمی

جموں/
جموںکشمیر کے ٹکری ادھم پور کے نزدیک گاڑی کو حادثہ پیش آیا جس کے نتیجے میں چھ سیاح زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
اطلاعات کے مطابق اتوار کے روز ٹکری ادھم پور میں ایک گاڑی حادثے کا شکار ہوئی جس کے نتیجے میں گاڑی میں سوار چھ سیاح زخمی ہوئے ۔
معلوم ہوا ہے کہ اطلاع ملتے ہی پولیس اور مقامی لوگوں نے سیاحوں کو علاج ومعالجہ کی خاطر نزدیکی ہسپتال منتقل کیا ۔ذرائع نے بتایا کہ سبھی سیاح اتر پردیش کے رہنے والے ہیں۔
ذرائع نے مزید بتایا کہ گاڑی کے ڈرائیور کی حالت تشویشناک بنی ہوئی ہے ۔
دریں اثنا پولیس نے اس ضمن میں کیس درج کرکے مزید تحقیقات شروع کی۔