۸ء۳۴ڈگری سینٹی گریڈ:سرینگر میںدن کے درجہ حرارت میں بتدریج اضافہ

سرینگر//
وادی کشمیر میں جھلسانے والی گرمی کا زور برابر جاری ہے اور ۸ء۳۴ڈگری سینٹی گریڈ کے ساتھ ہی جمعرات کو رواں موسم کا گرم ترین دن رہا ۔
محکمہ موسمیات نے ۲۴ جون سے بارشوں کی بھی پیش گوئی بھی کی ہے ۔
محکمہ موسمیات کے ایک ترجمان کے مطابق جمعرات کو سرینگر میں زیادہ سے زیادہ درجہ حرارت ۸ء۳۴ سینٹی گریڈ درج کیا گیا ۔جو جاری موسم گرما کا اب تک کا گرم ترین دن تھا ۔ بدھ کو سرینگر میں دن کا درجہ حرارت ۳۴ ڈگری سینٹی گریڈ ریکارڈ کیا گیا ۔
محکمہ کے ایک ترجمان کے مطابق وادی میں ۲۳جون تک موسم گرم اور مرطوب رہنے کا امکان ہے ۔انہوں نے کہا کہ بعد ازاں وادی میں۲۴سے۲۸جون تک رک رک کر ہلکی سے درمیانی درجے کی بارشیں متوقع ہیں۔
ادھر وادی میں بتدریج اضافہ کے ساتھ شبانہ درجہ حرارت بھی معمول سے زیادہ درج ہو رہا ہے ۔
دارلحکومت سرینگر میں کم سے کم درجہ حرارت ۵ء۲۰ڈگری سیٹی گریڈ ریکارڈ کیا گیا جو معمول سے۸ء۴ ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۵ء۱۳ڈگری سینٹی گریڈ ریکارڈ کیا گیا جو معمول سے ۸ء۳ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۳ء۱۱ڈگری سینٹی گریڈ ریکارڈ کیا گیا جو معمول سے۹ء۲ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۴ء۱۷ڈگری سینٹی گریڈ ریکارڈ کیا گیا جو معمول سے۳ء۳ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۲ء۱۷ڈگری سینٹی گریڈ ریکارڈ کیا گیا جو معمول سے۹ء۲ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت ۲ء۵ڈگری سینٹی گریڈ جبکہ ضلع کرگل میں کم سے کم درجہ حرارت۴ء۱۳ڈگری سینٹی گریڈ ریکارڈ ہوا ہے ۔