سانبہ میں سڑک حادثہ خواتین اور بچوں سمیت ۱۹زخمی

جموں//
جموں وکشمیر کے ضلع سانبہ کے سموترا چھنی علاقے میں منگل کی صبح ایک سڑک حادثے میں کم سے کم۱۹؍افراد زخمی ہوگئے ۔
سرکاری ذرائع نے بتایا کہ سانبہ کے سموترا چھنی علاقے میں منگل کی صبح ایک بس سڑک سے لڑھک کر ایک نہر میں جا گری جس کے نتیجے میں۱۹؍افراد زخمی ہوگئے جن میں خواتین اور بچے بھی شامل ہیں۔
ذرئع نے کہا کہ پولیس اور مقامی لوگ فوری طور پر جائے واردات پر پہنچ گئے اور زخمیوں کو علاج و معالجے کیلئے ہسپتال منتقل کیا گیا۔
ان کا کہنا تھا کہ زخمیوں میں مزدور اور ان کے اہلخانہ شامل ہیں اور یہ سب مزدور کشمیر میں اینٹ بھٹے پر کام کرنے کیلئے جا رہے تھے ۔