پونچھ میں دراندازی کی کوشش ناکام ‘ہتھیار بر آمد

پونچھ//
سیکورٹی فورسز نے پونچھ میں ایل او سی پر دراندازی کی کوشش کو ناکام بناتے ہوئے اسلحہ اور گولہ بارود برآمد کیا۔
لیفٹیننٹ کرنل دیویندر آنند، پی آر او دفاع نے کہا کہ ہندوستانی فوج اور جموں و کشمیر پولیس کے دستوں نے۱۴/۱۵ جون۲۰۲۳ کی رات ضلع پونچھ کے کرشنا گھاٹی سیکٹر میں لائن آف کنٹرول کے ساتھ دراندازی کی ایک کوشش کو ناکام بنا دیا۔
ایک بیان میں ترجمان نے کہا’’آپریشن میں ایک ہتھیار، دو پاؤچز اور دو رکس سیکس برآمد ہوئے، برآمد ہونے والی اشیاء میں ایک اے کے ۷۴ رائفل جس میں نو میگزین اور۴۳۸راؤنڈز، دو پستول بمعہ چار میگزین اور ساٹھ راؤنڈ، چھ دستی بم، کپڑے اور ادویات شامل ہیں‘‘۔
اس تیز رفتار کارروائی سے دراندازی کی ایک اور کوشش کو ناکام بنا دیا گیا ہے‘ جو پونچھ ضلع میں امن کو خراب کرنے کی صلاحیت رکھتی تھی‘‘۔