ناطم اطلاعات کا ضلعی اطلاعاتی مراکز کے کام کاج کا جائزہ

جموں //
ناظم اطلاعات و تعلقات عامہ جموں و کشمیر ‘ منگا شیرپا نے آج یہاں میڈیا کمپلیکس باہو پلازہ جموں میں منعقدہ ایک میٹنگ میں تمام ضلعی اطلاعاتی مراکز کے کام کاج کا جائزہ لیا ۔
ڈائریکٹر نے جموں و کشمیر ڈویژنوں کے مختلف ضلعی اطلاعاتی مراکز کے کام کاج کا جائزہ لیتے ہوئے افسران پر زور دیا کہ وہ عوام دوست پالیسیوں کو پیش کرتے ہوئے پیشہ وارانہ مہارت کے ساتھ اپنے فرائض سرانجام دیں ۔
آنے والی سالانہ شری امر ناتھ جی یاترا ۲۰۲۳ کا حوالہ دیتے ہوئے انہوں نے ضلع انفارمیشن افسران جو۲۰۲۳ کے یاترا کے راستے پر ہیں یعنی کٹھوعہ ، سانبہ ، جموں ، اودھمپور ، رام بن ، اننت ناگ اور گاندر بل کے ڈی آئی اوز کو ہدایت دی کہ یاتریوں کی بیداری سے متعلق تمام انتظامات کو تندہی سے انجام دیں ۔
میٹنگ میںجوائنٹ ڈائریکٹر ہیڈ کوارٹر نریش کمار ، جوائنٹ ڈائریکٹر جموں اتل گپتا ، ڈپٹی ڈائریکٹر اے وی دیپک دوبے ، ڈپٹی ڈائریکٹر پی آر جموں ڈاکٹر وکاس شرما ، انتظامی افسر رینو شرما ، اکاؤنٹ آفیسر ہتیش چودھری اور دیگر متعلقین نے ذاتی طور پر اور ورچوئل موڈ کے ذریعے شرکت کی ۔
۔۔۔۔۔۔۔۔۔