مالی سال 2022-23 میں جی ڈی پی شرح نمو 7.2 فیصد رہی

نئی دہلی// کورونا وبا کے اثرات سے آگے بڑھنے کی کوشش کررہی ہندوستانی معیشت کی مجموعی گھریلو پیداوار (جی ڈی پی) مالی سال 2022-23 کی چوتھی سہ ماہی (جنوری-مارچ) میں 6.1 فیصد کا اضافہ ہوا ہے اور مارچ میں ختم ہونے والے مالی سال میں سالانہ جی ڈی پی شرح نمو 7.2 فیصد رہی ہے ۔ مارچ 2022 میں ختم ہونے والی سہ ماہی میں یہ شرح نمو 10.4 فیصد رہی تھی اور مارچ 2022 کو ختم ہونے والے مالی سال میں جی ڈی پی کی سالانہ شرح نمو 9.1 فیصد تھی۔
مرکزی شماریات کے دفتر (سی ایس او) کی طرف سے آج یہاں جاری کردہ اعداد و شمار کے مطابق، مارچ 2023 کو ختم ہونے والے مالی سال میں جی ڈی پی 160.06 لاکھ کروڑ روپے رہی ہے ، جبکہ اس سے پچھلے مالی سال میں یہ 149.26 لاکھ کروڑ روپے تھی۔ مالی سال 2021-22 میں جی ڈی پی کی شرح نمو 9.1 فیصد تھی جبکہ مالی سال 2022-23 میں یہ 7.1 فیصد رہی ہے ۔ حالانکہ سی ایس او نے کہا کہ نومینل جی ڈی پی یا موجودہ قیمتوں پرمالی سال میں جی ڈی پی 272.41 لاکھ کروڑ روپے رہی جو پچھلے مالی سال میں 234.71 کروڑ روپے تھی۔ اس طرح اس میں 16.1 فیصد کا اضافہ ریکارڈ کیا گیا ہے ۔
سی ایس او نے کہا کہ مارچ میں ختم ہونے والی سہ ماہی میں جی ڈی پی 43.62 لاکھ کروڑ روپے رہی جبکہ مارچ 2022 میں 41.12 لاکھ کروڑ روپے تھی۔ اس طرح اس میں 6.1 فیصد کا اضافہ درج کیا گیا ہے ۔