پٹنہ// کانگریس لیڈر راہل گاندھی کے امریکہ میں مسلمانوں کے حوالے سے دیئے گئے بیان پر بی جے پی نے شدید ردعمل کا اظہار کیا ہے ۔ بی جے پی کے قومی ترجمان اور سابق وزیرسید شاہنواز حسین نے بدھ کو کہا کہ راہول گاندھی پاکستان کی زبان بول رہے ہیں۔ پاکستان ایسی باتیں پھیلاتا ہے کہ ہندوستان میں مسلمانوں کا حال برا ہے ۔ اب راہل گاندھی بھی یہی کر رہے ہیں۔ راہل بیرون ملک جا کر ہندوستان کا جھنڈا لگاتے ہیں اور اسی جھنڈ ے کے سائے میں ہندوستان کو بدنام کرتے ہیں۔ راہول گاندھی خود اندرا گاندھی، راجیو گاندھی کی حکمرانی پر سوال اٹھا رہے ہیں کہ 80 کی دہائی میں ہندوستان میں دلتوں پر مظالم کئے گئے ۔
مسٹر شاہنواز حسین نے کہا کہ راہول گاندھی بھول رہے ہیں کہ 80 کی دہائی میں ہی ہندوستان میں مسلمانوں پر سب سے زیادہ تشدد کیا گیا۔ بھاگلپور، میرٹھ کے ملیانہ فسادات اسی وقت ہوئے تھے ۔یہ سب کانگریس کے دور میں ہوا۔ کانگریس نے صرف مسلمانوں کے ووٹ لیے ، ان کے لیے کوئی کام نہیں کیا۔ بی جے پی حکومت سب کا ساتھ، سب کا وکاس کے راستے پر چل رہی ہے ۔
بی جے پی کے قومی ترجمان نے کہا کہ مسلمانوں کے لیے ہندوستان سے بہتر کوئی ملک ، ہندو سے بہتر دوست، نریندر مودی سے بہتر پی ایم کو ئی ہو نہیںسکتا۔ راہل گاندھی کے اس بیان سے مسلم کمیونٹی خوش نہیں ہوگی اور نہ ہی ان سے گمراہ ہوگی۔ راہل گاندھی محبت کی دکان کی بات کر رہے ہیں۔ کیا محبت دکان میں ملتی ہے ؟ کیا راہل گاندھی کے پاس اس کی ڈیلرشپ ہے ؟
مسٹر شاہنواز نے اپوزیشن اتحاد پر کہاکہ اپوزیشن کو 12 سیٹیں بھی نہیں آئیںگی ۔ جے پی کی سرزمین پر کانگریس کو لاکر لالو ۔ نتیش کو شرم آنی چاہئے ۔