پنچایت انتخابات سے قبل وزیر اعظم۔امت شاہ اور نڈا بنگال کا دورہ کریں گے

کلکتہ//اسمبلی انتخابات میں گرچہ مطلوبہ نتائج نہیں ملے ہیں اس کے باوجود بی جے پی لوک سبھا انتخابات سے قبل پنچایت انتخابات پوری قوت کے ساتھ لڑنے کا فیصلہ کیا ہے ۔ بنگال کی سیاست میں کرپشن کے متعدد الزامات موضوع بحث ہے ۔ ایسے میں نریندر مودی، امیت شاہ اور بی جے پی کے صدر جے پی نڈا پنچایت انتخابات سے پہلے ریاست میں کا دورہ کریں گے ۔ 21 جون سے 30 جون تک بی جے پی کے عہدیدار ریاست میں گھر گھر جا کر مودی حکومت کی کامیابی کا پرچار کریں گے ۔
بی جے پی لوک سبھا میں 35 سیٹوں کے ہدف کے ساتھ آگے بڑھ رہی ہے ۔ لیکن ایسا کرنے کے لیے بی جے پی کو پنچایت میں شاندار کارکردگی کا مظاہرہ کرنا ہوگا۔ امیت شاہ نے ریاستی قیادت کو کئی مشورے دیے ہیں۔اس میں عوامی تعلقات میں اضافہ بھی شامل ہے ۔ ہمیں ضلع میں زیادہ سفر کرنا ہے ۔ بی جے پی کو اس کا احساس ہے کہ تنظیمی طور پر بی جے پی مضبوھ نہیں ہے ۔
بی جے پی نے گزشتہ اسمبلی انتخابات میں ریاست میں بڑے پیمانے پر مہم چلائی تھی۔ پارٹی کا کوئی سینئر لیڈر ایسا نہیں تھا جس نے ریاست میں انتخابی مہم نہ چلائی ہو۔ لیکن انتخابات کے نتیجے میں بی جے پی کو بڑا جھٹکا لگا۔ بی جے پی 70سیٹیں ہی جیت سکی۔ریاستی بی جے پی صدر سوکانتا مجمدار نے گھر گھر پروگرام کے بارے میں کہا کہ ہم نے اپنی ریاست میں 3 میٹنگیں کرنے کی تجویز دی ہے ۔ یہ میٹنگیں شمالی بنگال، وسطی بنگال اور جنوبی بنگال میں ہوں گی۔ ان تینوں میٹنگوں میں نریندر مودی، جے پی نڈا اور امیت شاہ شرکت کریں گے ۔