ای ڈی نے ایم پی سنجے سنگھ کے معاوںوں کے احاطے کی تلاشی لی

نئی دہلی//عام آدمی پارٹی (اے اے پی) کے رہنما اور راجیہ سبھا کے رکن پارلیمنٹ سنجے سنگھ نے بدھ کو الزام لگایا کہ انفورسمنٹ ڈائریکٹوریٹ (ای ڈی) نے مبینہ دہلی شراب پالیسی معاملے میں ان کے دو معاونین کے گھر کی تلاشی لی۔
مسٹر سنگھ نے ٹویٹ کیاکہ ”میں مودی کی آمریت کے خلاف لڑ رہا ہوں۔ ای ڈی کی فرضی جانچ پورے ملک کے سامنے بے نقاب۔ کچھ نہ ملنے پر ای ڈی نے اپنی غلطی مان لی، اس لیے آج اس نے میرے ساتھیوں اجیت تیاگی اور سرویش مشرا کے گھر پر چھاپہ مارا۔’’
سرویش کے والد کینسر میں مبتلا ہیں۔ یہ ظلم کی انتہا ہے ۔ چاہے آپ جتنی بھی اذیتیں دیں، لڑائی جاری رہے گی۔”
اپنے ٹویٹر ہینڈل پر پوسٹ کردہ ایک ویڈیو پیغام میں اے اے پی لیڈر نے ای ڈی کے چھاپوں پر مرکز پر طنز کیا اور الزام لگایاکہ "حکومت ای ڈی کا غلط استعمال کر رہی ہے ۔ ہم ای ڈی کے غلط استعمال کو بے نقاب کریں گے ، لڑائی جاری رہے گی۔”