پانتھہ چوک سڑک حادثے میں اوڑی کا شہری ہلاک

سرینگر//
سرینگر کے پانتھہ چوک علاقے میں پیر کی صبح ہوئے سڑک حادثے میں اوڑی کے ایک موٹر سائیکل سوار کی موت واقع ہوگئی۔
ذرائع نے بتایا کہ سرینگر کے بالہامہ علاقے کے نزدیک پیر کی صبح ایک ٹرک نے ایک موٹر سائیکل سوار کو ٹکر مار دی جس کے نتیجے میں وہ شدید زخمی ہوگیا۔انہوں نے کہا کہ واقعہ پیش آتے ہی زخمی شخص کو علاج و معالجے کے لئے نزدیکی ہسپتال پہنچایا گیا جہاں موجود ڈاکٹروں نے اس کو مردہ قرار دیا۔
متوفی کی شناخ محمد صادق اوان ولد ثنا واللہ اوان ساکن سلام آباد اوڑی کے بطور ہوئی ہے ۔
دریں اثنا پولیس نے حادثے کا نوٹس لیتے ہوئے اس ضمن میں تحقیقات شروع کی ہے۔
اس دوران ضلع رام بن کے بانہال علاقے میں پیر کی صبح سڑک حادثہ پیش آیا جس کے نتیجے میں ایک شخص ازجان جبکہ پانچ دیگر زخمی ہوئے ۔
اطلاعات کے مطابق بانہال کے تحصیل کھڑی میں ترنہ لنک روڈ پر ٹا ٹا موبائیل حادثے کا شکار ہوا جس کے نتیجے میں چھ افراد شدید طورپر زخمی ہوئے ۔
معلوم ہوا ہے زخمیوں کو طبی امداد کی خا طر نزدیکی ہسپتال منتقل کیا گیا تاہم ڈاکٹروں نے ایک کو مردہ قرار دیا جبکہ دو کو تشویشناک حالت میں میڈیکل کالج اننت ناگ منتقل کیا گیا۔
متوفی کی شناخت عبدالرشید حجام ولد غلام رسول ساکن ترنہ ترگام تحصیل کھڑی کے طور پر ہوئی ہے ۔
دریں اثنا پولیس نے معاملے کی نسبت کیس درج کرکے مزید تحقیقات شروع کی۔