سرینگر//
شمالی کشمیر کے بونیار میں جمعے کی سہ پہر کو موسلا دھار بارشوں کے بیچ زور دار ژالہ باری ہوئی جس وجہ سے کھڑی فصلوں اور میوہ باغات کو نقصان پہنچا ہے ۔
اطلاعات کے مطابق جمعے کی سہ پہرکو شمالی ضلع بارہ مولہ کے بونیار اوڑی علاقے میں موسم نے کروٹ لی جس کے ساتھ ہی شدید ژالہ باری کا سلسلہ شروع ہوا۔
معلوم ہوا ہے کہ ژالہ باری سے کھڑی فصلوں، میوہ باغات اور سبزی باغوں کو نقصان پہنچا ہے ۔
ذرائع نے بتایا کہ شدید ژالہ باری سے میوہ جات بشمول سیب، ناشپاتی، خوبانی وغیرہ کے باغوں کو بھی کافی نقصان پہنچا ہے ۔