ویرات کوہلی نے نمبر 18 کے پیچھے چھپی کہانی بتادی

نئی دہلی///
عصر حاضر کے صف اوّل کے بلے بازوں میں سے ایک بھارتی کرکٹر ویرات کوہلی نے اپنی شرٹ کے نمبر 18 کے پیچھے چھپی کہانی بتادی۔
بھارتی میڈیا کو انٹرویو میں ویرات کوہلی نے نمبر 18 ملنے کی دلچسپ داستان بتائی اور جذباتی ہوگئے۔
ویرات کا کہنا تھا کہ مجھے پہلی بار 18 نمبر کی شرٹ انڈر 19 ٹیم میں ملی تھی۔ تب میرے لیے یہ صرف نمبر تھا تاہم وقت کے ساتھ یہ نمبر میری زندگی میں بہت اہمیت کا حامل ہوگیا۔
نامور کرکٹر نے کہا کہ بھارت کےلیے میرا ڈیبیو 18 اگست 2008 کو ہوا تھا۔ 2008 میں 18 دسمبر کو میرے والد دنیا سے چلے گئے تھے۔
ان کا کہنا تھا کہ یہ دونوں تاریخیں میری زندگی میں بڑی اہم ہیں، یہ شرٹ مجھے ان واقعات سے بہت پہلے ملی تھی۔ اس نمبر کا میرے ساتھ جادوئی تعلق بن چکا ہے۔
انہوں نے کہا کہ کبھی سوچا نہیں تھا کہ لوگ میرے نام اور نمبر کی شرٹ پہنیں گے۔