پچھاڑ دیا ۔کانگریس نے کرناٹک میں بی جے پی کو ‘مودی جی کی بی جے پی کو پچھاڑ ہی دیا اور… اور آئندہ ایک ہفتے تک خود کانگریس کو اس بات کا یقین نہیں ہو گا کہ اس نے یہ کا ر نامہ… یہ معجزہ کیا… اس بات پر یقین کر نے کیلئے کانگریس کو کچھ وقت لگے گا اور … اور ہم کانگریس کو یہ وقت دینے کیلئے تیار ہیں… کانگریس کو ہی نہیں بلکہ مودی جی کی بی جے پی کو بھی ہم وقت دینے کیلئے تیار ہیں… اس بات کو برا خواب نہیں بلکہ حقیقت سمجھنے کیلئے کہ … کہ کرناٹک میں یہ کیسے ممکن ہوا… کہ… کہ جو پارٹی’مودی ہے تو ممکن ہے‘ پر یقین کرتی ہو ‘اس کیلئے اس بات پر یقین کرنا تھوڑا مشکل ہوگا کہ … کہ کرناٹک میں یہ کیسے ممکن ہوا … مودی جی اور پی جے پی کی ہار کیسے ممکن ہو ئی … اس بات پر یقین کرنے کیلئے بی جے پی کو تھوڑا ٹائم ہم دیں گے اور… اور سو فیصد دیں گے ۔خیر ! آج بات کانگریس کی کریں گے ‘ بی جے پی کی نہیں اور… اور کرناٹک میں آج کی جیت کانگریس کیلئے بڑی نہیں بلکہ بہت بڑی ہے… اور اس لئے ہے کیونکہ اللہ میاں کی قسم خود کانگریس کو بھی ’مودی ہے تو ممکن‘ کے نعرے پر یقین تھا… بی جے پی سے بھی زیادہ یقین تھا… اسی لئے یہ میدان… انتخابی میدان میں یہ کودنے سے پہلے ہی سرنڈر کرتی تھی… اس کے سر اور کندھے جھکے جھکے سے ہو تے تھے… لیکن کرناٹک میں آج جو ہوا … اور جو ہوا وہ زبردست ہوا ‘اس نے کانگریس کو ایک بار پھر سر اٹھانے کا موقع دیا ہے… موقع اُن اپوزیشن جماعتوں کو بھی دیا ہے کہ وہ ایک بار پھر سوچیں کہ… کہ وہ ۲۰۲۴ میں کانگریس کے بغیر ہی میدان … انتخابی میدان میں اترنے کی متحمل ہو سکتی ہیں… اور … اور اگر وہ میدان میں کود بھی جاتی ہیں تو…تو کیا وہ بی جے پی اور مودی جی کیلئے حقیقی چیلنج ثابت ہو سکتی ہیں… کرناٹک کے نتائج نے اس بات پر سوچنے کا اپوزیشن کو بھی ایک موقع دیا ہے اور… اور ہمیں یقین ہے کہ اپوزیشن یقینا اس پر غور کر سکتی ہے اور… اور اس لئے بھی کر سکتی ہے کیونکہ کرناٹک سے جو واضح پیغام ابھر کر آیا ہے… پورے ملک کیلئے آیا ہے وہ یہ ہے کہ… کہ مودی کو ہرانا ممکن ہے ۔ ہے نا؟
