نئی دہلی//
پاکستان کی طرف سے دہشت گردی کی حمایت، پاکستان میں سکھ برادری پر مظالم اور منشیات کی سپلائی کے خلاف نیشنل اکالی دل (این اے ڈی) کے قومی صدر پرمجیت سنگھ پما کی صدارت میں پاکستان ہائی کمیشن کے سامنے احتجاجی مظاہرہ کرنے کی کوشش کی اور لوگوں کی بڑی تعداد نے جمع ہو پاکستان کے خلاف نعرے لگائے ۔
نیشنل اکالی دل کے کارکنان پرمجیت سنگھ پما کی صدارت میں جیسے ہی تین مورتی مارگ پر جمع ہوئے اور پاکستانی ہائی کمیشن کی طرف بڑھنے لگے تو پولیس نے رکاوٹیں کھڑی کر کے انہیں رکنے کو کہا۔ پھر بھی این اے ڈی کے کارکنان اور مظاہرین آگے بڑھنے کی کوشش کر رہے تھے ۔ یہ دیکھ کر پولیس نے ہلکی طاقت کا استعمال کرتے ہوئے اسے وہاں روک دیا۔
اس موقع پر مظاہرین سے خطاب کرتے ہوئے پرمجیت سنگھ پما نے کہا کہ پاکستان کی ایجنسی آئی ایس آئی ہمیشہ ہندوستان مخالف سرگرمیوں میں مصروف دہشت گرد تنظیموں کی حمایت کرتی ہے اور بھارت میں اسلحہ اور منشیات فروخت کرنے کا کام کرتی ہے جبکہ ہندوستان ہمیشہ پاکستان کے ساتھ اچھے تعلقات رکھنے کی کوشش کرتا رہا ہے ۔
پما نے کہا کہ ہم وزیر اعظم پاکستان کو یہ پیغام دینا چاہتے ہیں کہ وہ تمام لوگ جو ہندوستان مخالف سرگرمیوں میں ملوث ہیں انہیں ہندوستان کے حوالے کیا جائے تاکہ باہمی تعلقات میں بہتری آسکے ۔