سرینگر/۱۲مئی
سکریٹری سیاحت سید عابد رشید کا کہنا ہے کہ جموں و کشمیر کا دورہ کرنے والے مختلف ممالک کے مندوبین یونین ٹریٹری کو عالمی سیاحتی مقام کے طور پر فروغ دینے میں سفیر کا کام کریں گے ۔
رشید نے کہا کہ سرینگر میں منعقد ہونے والا جی ٹونٹی اجلاس جموں وکشمیر کو عالمی سطح پر سیاحتی مقام کے بطور فروغ دینے کا ایک بہترین موقع ہے ۔
سیکریٹری نے ان باتوں کا اظہار جمعے کے روز زبرون پارک میں ہاٹ ائیر بیلون اور ٹریکنگ مہم کا افتتاح کرنے کے بعد نامہ نگاروں کے ساتھ بات کرنے کے دوران کیا۔
رشید نے کہا’’ہمیں امید ہے کہ مختلف ممالک کے مندوبین جو جموں و کشمیر کا دورہ کرنے والے ہیں، یونین ٹریٹری کوعالمی سیاحتی مقام کے طور پر فروغ دینے میں سفیر کا کام کریں گے ‘‘۔
ان کا کہنا تھا کہ سری نگر میں منعقد ہونے والا جی ٹونٹی اجلاس جموں وکشمیر کو عالمی سطح پر سیاحتی مقام کے بطور فروغ دینے کا ایک بہترین موقع ہے ۔
سیکریٹری سیاحت نے کہا کہ یہ ایونٹ ہمیں جموں وکشمیر کو عالمی سطح پر ایک مثبت انداز میں فروغ دینے میں مدد گار ثابت ہوگا۔
رشید نے مزید کہا کہ سری نگر میں سیاحوں کی کشش کو مزید بڑھانے کے لئے آج زبرون پارک میں ہاٹ ائیر بیلون لانچ کیا گیا۔ان کا کہنا تھا کہ اس طرح کی سرگرمیاں جی ٹونٹی اجلاس کا پیش خیمہ ہے ۔