تاریخی مغل روڈ کو آج سے یکطرفہ طور پر کھولنے کا اعلان

سرینگر//
کشمیر کے شوپیاں کو جموں کے راجوری اور پونچھ اضلاع سے جوڑنے والی مغل روڈ کو کل سے یک طرفہ ٹریفک کے لیے کھول دیا جائے گا۔
ڈپٹی کمشنر پونچھ‘ یاسین چودھری نے ٹویٹر پر سڑک کھولنے کے بارے میں اعلان کرتے ہوئے کہا’’مغل روڈ کل سے پونچھ سے شوپیاں تک یک طرفہ گاڑیوں کی آمدورفت کیلئے باضابطہ طور پر کھلی رہے گی۔پوشانہ پوسٹ پر آمد و رفت صبح دس سے شام ۴ ۴ بجے تک ہے۔ براہ کرم اپنے سفر کی دانشمندی اور اچھی طرح سے منصوبہ بندی کریں‘‘۔
ایک مراسلے میں، ڈی سی نے کہا’’۱۹ کلومیٹر (ڈوگریان) سے۴۳کلومیٹر پیر کی گلی تک برف کے جمع ہونے اور لینڈ سلائیڈنگ کو صاف کرنے کے پیش نظر جیسا کہ چیف انجینئر مغل روڈ ونگ اور ایگزیکٹو انجینئر مکینیکل انجینئرنگ ڈویڑن، راجوری-پونچھ نے اطلاع دی تھی۔ مغل روڈ پر بفلیاز سے پیر کی گلی تک۱۲مئی ۲۰۲۳ کو یک طرفہ ٹریفک کی نقل و حرکت کی اجازت ہے‘‘۔
مراسلے میں کہا گیا ہے کہ پونچھ کے سینئر سپرنٹنڈنٹ آف پولیس، سب ڈویڑنل مجسٹریٹ سورنکوٹ اور ڈی ایس پی ٹریفک راجوری پونچھ اس حکم کی سختی سے تعمیل کرتے ہوئے گاڑیوں کی آسانی سے نقل و حرکت کو یقینی بنانے کیلئے بہرامگلہ، بفلیاز اور پوشانہ چیک پوسٹوں پر کافی اہلکار تعینات کریں گے۔